(圖片由政府新聞處提供)

今年初，張宇人議員舉辦了一場「飲食業最低工資交流會」，邀請勞工處處長謝凌潔貞(右二)出席，以加深業界對此法例的了解。

    勞工界團體不斷指我誇大危機，唔係話僱主唔想分享成果，而係當經營成本提高到負擔唔到，就會採取變應措施去適應。
    統計處數字顯示，在未扣除稅項和折舊率前，大部分食肆只有單位數字的盈利率，逾兩成食肆更是長期虧蝕。而香港飲食業聯合總會進行的調查就發現，莫說最低工資訂於時薪$28或$33，即使係$24，可引致盈利率下跌3-4%，也會沈重打擊盈利率低的飲食業，特別是中式食肆及茶餐聽。
    如果最低工資訂於時薪$33，飲食業裏約五成僱員就要加人工，開支增加幅度未計漣漪效應已經高達7.9%，一下子又怎可能承受？
    香港兩種傳統飲食文化──中式酒樓及茶餐廳，中低級人手較密集，而且多層分工的獨特人力架構，故最低工資對它們所引發的加薪漣漪效應，將較其他行業更為厲害。
    它們如果要係最低工資下保持競爭力，一是走中高檔路線，好似現在有些富豪茶餐廳咁樣，一係就改變經營模式，包括簡化菜單、壓縮工種、減省人手。這樣，街邊茶餐廳將會快餐化，屋村酒樓就加快被淘汰。
    有人話，如果食肆真係唔掂，加價咪得囉。我希望大家明白，食肆在消費力低的地區，或一向走平民化價錢的食肆，加價好困難。人工加了，對於大型連鎖食肆，因為有中央工場及機器協助，食物售價可能只需要加五毫，但對於平民食肆、係屋村或新界西的食肆，可能就要加一蚊，才可以為到皮，但佢地加一蚊，隨時就蝕廿蚊，因為個客就會走去隔離更抵食的連鎖食肆。
    香港飲食業為香港提供了許多非技術性工種，如果飲食業萎縮，非技術性工種減少，供過於求的情況只會
更加嚴重，香港貧富懸殊的問題只會如西方國家一樣，從未能因最低工資而得到解決。對於勞方建議，將最低工資進一步提高至可供養兩個人基本生活的工資，我希望大家要三思。這即係將做僱主的門檻更加提高，更多商機及就業機會就會被扼殺，這反而令向上流的機會愈來愈少，令只有實力資本家才可以做生意，其實係令巿場更加傾斜，不利長遠經濟發展及社會平衡。
    我亦想趁機提醒飲食業老闆及管理層，必須深入了解這條法例，如果有唔明白的地方，可以搵勞工處或我。這條法例所造成的影響，大大超過上次強積金條例，因為上次都唔需要更改合約，但這條法例則對過去百年飲食業的僱傭模式、以及慣用的合約條文，將有好大的改動，故大家千萬不要掉以輕心，否則隨時要付上刑責。
    最後，我再次促請特首及最低工資委員會，在釐訂最低工資水平時，必須確保工資不會過低的同時，亦要（一）避免非技術性職位流失，確保低技術、低學歷及中年或以上的人士有工作機會；（二）避免各行各業競爭力受損，確保可以持續發展；及（三）避免觸發倒閉潮，尤其是中小企，不要令它們倒閉。

《最低工資草案條例》恢復二讀發言摘要